میلت نجه تاراج اولور اولسون نه ایشیم وار
دوشمنلره محتاج اولور اولسون نه ایشیم وار
قوی من اولوم ، اوزگلر ایله ندی کاریم
دنیا و جهان آج اولور اولسون نه ایشیم وار
******
سس سالما یاتانلار آییلار قوی هله یاتسئن
یاتمئشلاری رازی دئیلم کیمسه اویاتسئن
تک تک آیلان وارسا دا حق دادما چاتسئن
من سالم اولوم جمله جهان باتسا دا باتسئن
میلت نجه تاراج اولور اولسون نه ایشیم وار
دوشمنلره محتاج اولور اولسون نه ایشیم وار
******
سالما یادما صحبتی-تاریخی- جهانی
ایامی سلفدن دئمه سوز بیر ده فلانی
حال ایسه گتیر میل ائلییم دولمانی نانی
مستقبلی گورمک نه گرک عمده فانی
میلت نجه تاراج اولور اولسون نه ایشیم وار
دوشمنلره محتاج اولور اولسون نه ایشیم وار
******
اولادی وطن قوی هله آواره دولانسئن
چرک آبی سفالت له الی-باشی بولانسئن
دول اورت ایسه، سایله اودا یانسئن
آنجاق منیم آوازیمی شائنیمی اوجاتسئن
میلت نجه تاراج اولور اولسون نه ایشیم وار
دوشمنلره محتاج اولور اولسون نه ایشیم وار
******
هر میلت ائدر صفحه ئ – دونیاده ترقی
ائیلر هره بیر منزلی معواده ترقی
یورغان- دوشیمده ، دوشمه گر یاده ترقی
بیزده ائدریک عالمه رویاده ترقی
میلت نجه تاراج اولور اولسون نه ایشیم وار
دوشمنلره محتاج اولور اولسون نه ایشیم وار
شبیسترلی معجز