خالچا توخوماغين بير عالمي وار
بيزيم ائوده 11 خالچا دزگاهي قوروب و محله قيزو اوغلانلاري يوخسوللوق دان مكتب يئرينه بيزده ايشله ماغا گلردلر. خالجا دزگاهينين توخوشوندايازيلماميش حكومت قوروب اوستا حكومت باشيندا هر نه ايسته سه اولار و شيش اونون قدرتين ثبوته يئتيره ني دير
11 یاشیندا اوستا اولدوم ،اونجه دن حکومت ائیله مگی اورگنمیشدیم آریخ و بالاجا اولدوغوما گوره شاگردلره چئغر باغر سالئب وشیش ویر ماخدان دالی قالمازدیم تا منیم اوستالیغیما شک اولماسئین ,شاگردلرین هره سنین بیر حالی و دولانئشی واریدی بو سببه هره سنین بیر تاخما ادی ( نام مستعار ) واریدی قاچاق مجید ، چاققی کش قولام و .... قولام منیم له یاشئیت دی اولارین ائوی قره آغاج خیاوانئن یولوندیدی قولام دان محله ده بوتون اوشاقلار قورخاردی او ایشلیه نده قپ لئخ ائلردی و ایش یئرنده ادی قپ قولام اولموشدی سحر ساحات 7 دی ده ایشه باشلان نان سورا بیر ساحات هئچ بیر سوز اولماز یاشلاری آز اولدوغونا گوره تئز یورولوب آل قول سوسدالاردی و قولامئن قپ لئغئدا باشلار منده اوندان دالی قالمارام آتام منیم استومه آجیخلانئب یاواش ایشله مه دیردی منده آجئغئمی قولامنان آلیب نئچه شیش کوره یینن ویررام یاواش قولاغئما پئچئدر آخشام سنه گوستررم .
آخشامسلحات 5 ده ایش دن قورتولوب یای اولدوغونا گوره مکتب یوخدیر ، آتام دئیر گئت ممد پینه چی دن باشماخلاریمی آل گتیر , الیم اوره ییمه گئدیر ممد پینه چیه ماغا چاقی کش قولام گئلین قاپئسیندان رد اولمالیدیم ، گونو زون قودرتی قورخویا چئوریلمیشدی یولا دوشدوم قولام گوزلوردی اوزاقدان منی کوروب گیزلندی منده ایله بیلدیم اودا دگیل قاپی لاریندان رد اولانا پیچاق الینده منیم اوستومه یوگوردی من قاچاراق و اودا منیم دالئمجا ،قپ قولام اوستانی قووالیر باغیشلایین چاققی کش قولام قورخاخ اوستانی قووالیر ، سسلنیر اونی توتون بیر کیشی منیم قاباغئمی کسدی قولام یئتیشنده اونون پئچاغین گورنده منی بوراخئب اونی توتدی بیر نئچه شاپالاخ اونا ووردی.
سحر قولام آتاما دئیر آیری دزگاهدا ایشلرم ،اوستالا اونی ایسته مه دیلر گئنه ده بو سوقت منه نسیب اولدی ، او چاره سیز و من انتقام فکرینن قولاغئنا پئچیلدلدیم، هوی منه پئچاخ چکیرسن ؟ ایکی ساحاتسسیز اولدوخ چوخ یورولوب منه دئدی بو گون وورما آخشام سنه پخله آلارام ، قولام سوزونه صاحب چئخب و آخشام حمید پخله چیدن بیر قئرانلئخ پخله آلدی محله یه قایدئب اویناماغا باشلادئق آخئردا (شئر من خط )قومارینا مشغول اولدوق قولام قوماردا چوخ الی واریدی منی ایکی قئران اوتوب بیر قئران منه قایتاردی و دئدی ساباح پخله یه گوره و بیری گون بو بیر قئرانا گوره وورمیاجاقسان ، منده بو حالا چوخ راضی اولدوم هم موفته پخله یئیب و بیر قئراندا آمئشدم .
فضولباشی : دئیرلر بازار یوخدیر یوستومن لئخ مالی ایگیمی تومنه گویده آلئرلار !!!!!