اصلان
ائوده منیم سوزوم گئچرلی دیر هر نه دئسم اولار چوخ زوربالی اولدوغوما گوره خانم منه اصلان دئیر منده خالا خاطرین قالماسین اونا جیران دئیرم، جیران ائوین هر ایشین گورر منده فرمان وئریب اصلان اولدوغومی ثبوته یئتیررم هر گون ناهار یئییب یاستغی باش آلتینا سالب اوزانیب چای ایسترم دئمیشم یاتسام اویاتمایین منی یوخودان اویاتمازلار ائوده بیر یول چای حاضرلانار او بیر یولدا چای ایچیرسن ایچ ایچمیرسن ایچدیرجاخ، خانم من یاتدقدان سونرا ناهار قاب قاشغین یوغار آخیردا بیر آلمیون قابلاما وارکی یئره دوشر ایلک گونلر دئدیم بلکی قونشونون دوواری یخیلدی ایندی بیلرم آلمیون قاب یئره دوشور، بو اصلان یاتا بیلر یاتسین جیران دئیر باغیشلا الیمدن دوشدو، یالانچینی هر نه دئیم اولسون ، چای گتیردی ، یوخی دا قاچیر ، تلویزیون آچیب بیر کانالا چئویریب مئشه ده دوغال حایاتی گوستریردی، ارکک اصلان یاتمیشدیر هر واقت دان بیر گوزون آچیری و بیر داها یوموب یاتیردی او یاخیندا دورد دیشی اصلان بیتگی و گوی گویه رنتی آراسئندا گیزلنیب و بوغالار سوروسون ایزلیردلر ، بیرلیکده سورویه باسدلار دالی قالانلارین بیرینی خدکلییب یئره سالیب پارچالاماغا باشلادلار ارکک اصلان یئتیشدی و دیشی لرین هه ره سین بیر یانا قویب قارنین دویوردی و یولون توتوب گئددی ، دیشی اصلانلار بوغانین قالانین یئیب و یاورولارینا سوت ورمگه مشغول اولدولار ، بوغانین قالانی چاققالارا نصیب اولدی ، ارکک اصلانین بو حالین گورنده سویوخ تر گلدی بیلدیم خانم بیر داها منه اصلان دئمز ، دئمه لیم دیشی اصلانلار لاب منیم آروادیما اوخشوردلار نئچه گون قاباخ بلدیه اوتوبوسوندا بیر خانم اوشاغینان باشقا دیلده دانشیردی و بو اوز کولتورونن اوزاخ اولان قادنین باشینا ائله بلا گتیردی 7 سویونا ائل ایچنده اوشاغینان باشقا دیلده دانیشماز ،فیلمین دوامی واریدی ایکی ارکک جیران بوینوز بوینوزا گلیردیرلر بوینوزلارین ائیله چیرپیردلار اوزاقدان سه سی گلیردی ، جیرانلارین بیری زورگلدی اوبیر دالی چکلیب قاچدی زورگلن نئچه یئره نشان قویوب عایله قورماغاباشلادی ، جیرانین بو ایشین خوشلادیم و خانم لا دانیشیب قرارلاشدیق من جیران اولام و خانم اصلان ، بیر نئچه گون خوشودوخ ، بیر گون آخشام ایوه گلدیم اصلان بیر پیالا خرما و کشمش آخشام یئمی گتیردی ، خانم باغیشلایین اصلان بویوردی جیرانیم شاما یوغودداش وار گئت قایخدان – یوغوددان آل گتیر ، بولمورم نه دن هر واقت بو اصلانا یاخیناشیرام بوتون بدنیم تیترییر ...
فضولباشی : یونیورسیته لرده واجتماعی - سیاسی حرکت لرده اولان خانم لاری گورمک اولان خانم لار را دیشی اصلان دئمک لازم دیر ، جیران اولوب همه شه قورخودا یاشاماخ یئرینه تورک ارکک لری اوزیاشایشلارینا مالک اولماقا دیشی اصلان کیمی اولمالیدلار